Fotógrafos asturianos participen na iniciativa 'Fotos por Palestina'

Una semeya orixinal por 100 euros p'ayudar y concienciar de la crisis palestina

Un total de 188 fotógrafos xuniéronse pa sofitar el llabor de 'Médicos sin Fronteras' en Palestina dende va más de 30 años cola venta de les sos semeyes. Por 100 euros pue comprase una foto orixinal gracies a la iniciativa 'Fotos por Palestina' na que tamién participen fotógrafos asturianos.

La ONG 'Médicos sin Fronteras' lleva dende los años 70 trabayando en crisis humanitaries per tol mundu, nestos tiempos difíciles el so trabayu ye más visible en conflictos como’l que ta sufriendo Gaza. Agora una iniciativa fotográfica a nivel mundial busca sofitar esi llabor.

La iniciativa quier tanto xenerar recursos pa 'Médicos sin Fronteras' como concienciar al respective de la crisis humanitaria que sufre’l pueblu palestinu. Munchos de los fotoperiodistes participantes lleven años retratando conflictos armaos, fames o crisis migratories.

La participación asturiana ta formada por media docena de fotógrafos como Dani Lovi, Eloy Alonso, Isabel Permuy, Andrea Valle, Daniela Cohen y Álvaro Fuente. Les sos obres tán disponibles en fotosxpalestina.com.