Webcams
Buscar
Fráncfot ataya la entrega del premiu a la palestina Adanía Shibli
Fráncfot ataya la entrega del premiu a la palestina Adanía Shibli
Hoja de Lata, editorial qu'espubliza 'Un detalle menor', ve la decisión como censura
La cultura tamién se ve chiscada pola guerra. Atayóse la entrega del premiu que la escritora palestina Adanía Shibli diba recibir na Feria de Frankfurt la próxima selmana.
Reconocíase la valía de la so novela 'Un detalle menor', asoleyada en castellán pola editorial asturiana Hoja de Lata. Ven la decisión como una censura, como esplica Daniel Álvarez, editor d'Hoja de Lata.
Los promotores del premiu retardáronlu pero ensin fecha. Les distintes editoriales coles qu'asoleya Shibli tán recoyendo firmes pa denunciar esta situación.
Con 'Un detalle menor', l'autora foi nominada a distinciones tan prestixoses como'l National Book Award y al Man Booker. El llibru retrata la vida en Palestina so la ocupación militar israelina.
La de Frankfurt ye la feria del llibru internacional más importante en ventes del añu, pero nesta edición el focu va dir más allá de la lliteratura.
Comparte
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL