Radiotelevisión del Principáu d'Asturies Radiotelevisión del Principado de Asturias

Buscar

Síguenos en

Radiotelevisión del Principado de Asturias

Webcams Buscar

Noticies n'asturianu

Escuchar

Fuente: RTPA, 27 de agostu. 2023 08:41

Gozón crea'l primer rexistru d'artistes locales de la so historia

En castellano

Gozón crea el primer registro de artistas locales de su historia

L'oxetivu ye tener una base de datos de los creadores de diferentes ámbitos pa poder contratalos n'eventos futuros del conceyu

Daniel Acuña ye ún de los artistes gozoniegos que yá s’inscribieron nel primer rexistru d’artistes que ta creando l’Ayuntamientu de Gozón. Esti pintor mozu considera que ye una iniciativa mui positiva pal texíu cultural del conceyu.

Dende l’ayuntamientu quieren qu’esti rexistru seya una base de datos que facilite la contratación d’estos artistes locales nel futuru y potencie nuevos eventos nel conceyu. Asina lo esplica Israel González, conceyal de cultura de Gozón.

Los artistes de Gozón o que seyan residentes nel conceyu puen inscribise al traviés de la web municipal. La idea ye que se forme al final d’un añu un grupu de trabayu con parte d’estos artistes y qu’apurran idees pa diseñar la programación cultural del conceyu del añu qu’entra.

Comparte