Grau celebra'l Día Internacional de les Persones Mayores

La edá nun ye namás qu'una cifra

Güei ye'l Día Internacional de les Persones Mayores, cita qu'en Grau celebróse tola mañana con actividaes interxeneracionales onde los vecinos más mayores interactuaron cola mocedá y con mascotes.

Persones como Rosario, una de los cerca de 64.000 asturianos mayores de 65 años que viven solos. A los 84 años esta avilesina lleva siete años vilba. Asegura que tar activa y salir de casa caldía ye'l meyor remediu pa nun perder calidá de vida.

Rosario ye independiente dafechu como les sos collacies Lidia, Rosa y Paquita, tamién vilbes, y a les qu'esta situación xuntó pa compartir esta etapa de la vida.

A pesar de qu'hai momentos malos, sobre manera n'iviernu, nun hai nada que les frene, nin la tecnoloxía. Rosario utiliza Facebook caldía y per whatshapp queda coles sos collacies pa dir al baille los sábados.

Exemplos de vitalidá onde la edá nun ye namás qu'una cifra.