Homenaxe a Araceli Ruiz Toribios

Una de les últimes neñes de la Guerra

Homenaxe esta tarde en Xixón a Araceli Ruiz Toribios, una de les últimes neñes de la Guerra, que morría la selmana pasada a los 96 años. Dellos colectivos republicanos quixeron recordar la so figura na escultura de la sablera de L'Arbeyal, que recuerda la hestoria de los 1.100 neños qu'en setiembre de 1937 salieron de Xixón camín de la Unión Soviética fuxendo de la Guerra Civil.

A les 23:00 del 23 de setiembre de 1937 un barcu coles lluces apagaes abandonaba El Musel camín de Leningrado. Ente los 1.100 neños que formaben el pasaxe taba Araceli.

Tenía cinco años cuando, coles sos dos hermanes, dexó atrás el drama de la Guerra, pero tamién l'amor de sos padres. Nun foi hasta 1980 cuando volvió a España.

Como presidenta de l'Asociación de los Neños de la Guerra, trabayó incansablemente pa caltener viva la memoria.

Flores coloraes p'Araceli nesti homenaxe. Les vides d'aquellos neños apáguense. La so alcordanza y el so exemplu, destacóse nel actu, perduren.

Una coherencia que la llevó a faer so la causa de tolos refuxaos qu'en xeneraciones posteriores tuvieron que pasar vivencies asemeyaes a la suya.