Javier Gancedo recibe'l Premiu Impactu Positivu de la Universidá d'Uviéu

Un galardón que lu distingue pol so currículu académicu y pol so papel como voluntariu

Javier Gancedo, estudiante de Bioquímica na Universidá d’Uviéu, recibió’l Premiu Impactu Positivu, un galardón que lu distingue non sólo pol so currículu académicu, sinón tamién pol so papel como voluntariu.

Un premiu, iniciativa de la cátedra MediaLab de la Universidá d’Uviéu con un oxetivu mui concretu, destaca Ramón Rubio, director de la cátedra MediaLab.

Nesta primer edición, el xuráu seleccionó por unanimidá la candidatura de Javier Gancedo d’un total de 20. Dempués d’acabar el master, agora cursa un doctoráu en Biomedicina y Oncoloxía Molecular.

Javier donó los 1.000 euros del premiu a Caritas, entidá cola que collabora. Trabayó tanto con mayores como con personames con diversidá funcional. Un exemplu, diz el rector de la Universidá d’Uviéu, Ignacio Villaverde, de que la institución académica y el so alumnáu tienen compromisu social.

La d’esti añu foi la primer edición del premiu, pero la cátedra MediaLab yá piensa na siguiente convocatoria.