Javier Gutiérrez y Luis Bermejo estrenen una nueva versión de la comedia 'El traje'

El Teatru Palacio Valdés acoyerá l'estrenu'l sábadu viniente

El Teatru Palacio Valdés acoyerá’l sábadu viniente 'El traje', una pieza teatral escrita y dirixida pol dramaturgu madrilanu Juan Cavestany que se presenta como una historia “vibrante, asfixante y graciosa” interpretada por Javier Gutiérrez y Luis Bermejo.

Juan Cavestany, premiu Max al Meyor Autor en castellán pol llibretu de 'Urtain', dixo que yera una comedia que punxo en pie va yá más de 10 años, cuando la sociedá sufría entá mui de cerca los efectos de la crisis de 2008 y los casos de corrupción escandalizaben caldía.

La historia arranca nel primer día de rebaxes nunos grandes almacenes de la capital y la xente entra en tropel por mor d’un accidente.

Nes entrañes del edificiu, un vixilante de seguridá interroga a un home de negocios que vino a comprar un traxe y que tuvo daqué que ver colos fechos, anque nun se destripa más la historia que dexa nel aire los interrogantes sobre cuálos son esos fechos, exactamente y qué peligru acecha a les persones.