Xornaes de recreación histórica nel Muséu las Ayalgas de Silviella

'Normandía 44' aspira a convertise nuna cita añal

'Normandía 44' ye'l nome de les xornaes de recreación histórica que se celebren tol fin de selmana nel Muséu las Ayalgas de Silviella, en Miranda. Amás de campamentos militares y esposición d'equipamientos, recréense combates de la II Guerra Mundial, ambientaos n'escenarios del desembarcu de Normandía.

Los esteriores del Muséu las Ayalgas de Silviella tresformáronse esti fin de selmana en campamentos militares de la II Guerra Mundial. Nun falten los hospitales de campaña, puestos de mandu, trincheres y tou tipu d'equipamientu militar y vehículos, acompañáu de visites guiaes y esplicaciones de cada elementu.

Amás, sábadu y domingu celebren delles recreaciones de combates.

Esta mañana tresportábennos a la Francia de 1944, a Utah Beach, el nome en clave que se-y dio a una de les zones asignaes a los americanos nel desembarcu de Normandía.

Les xornaes, sol títulu de 'Normandía 44', aspiren a convertise nuna cita añal.