La Orquesta de la Universidá d’Uviéu interpreta la banda sonora del documental "Desde la otra orilla"

El compositor asturianu Rubén Díez foi l’encargáu de crear la música

La Orquesta de la Universiá d’Uviéu interpreta la banda sonora del documental "Desde la otra orilla". Un encargu de la Fundación Archivu d’Indianos que cuenta cola collaboración de la Televisión del Principáu d’Asturies.

El compositor asturianu Rubén Díez foi l’encargáu de crear la música qu’acompañará la narración d’una obra qu’abordará la historia de los emigrantes asturianos p’América nel sieglu XIX y XX.

El documental cuenta la historia de los efectos de la emigración en dambos llaos del Atlánticu. América encargóse de dar oportunidaes a los que decidieron buscar fortuna en países de fala hispana, al igual que está obra supón un escaparate pa los miembros mozos que formen parte d’esta orquesta.

"Desde la otra orilla" sedrá emitíu en TPA y la so banda sonora formará parte de los espacios audiovisuales de la Fundación Archivu d’Indianos.