La Selmana Profesional del Arte arranca la so segunda edición con 40 artistes

Gran axenda d'actividaes culturales pa tolos públicos hasta'l 12 de xunu

La Selmana Profesional del Arte d’Uviéu arranca güei la so segunda edición en dellos espacios de la ciudá y cuntará cola participación de cuarenta artistes nacionales y internacionales que protagonizarán esposiciones, talleres y conferencies.

Hasta’l 12 de xunu, la Fábrica d’Armes, el Muséu Arqueolóxicu, l’Ilustre Colexu d’Abogaos, el Seminariu Metropolitanu, la Galería Pablo de Lillo y la Universidá d’Uviéu albergarán una gran axenda d’actividaes culturales pa tolos públicos.

Concha Jerez (Las Palmas de Gran Canaria, 1941) ye l’artista convidada d’esta segunda edición, y dará una conferencia’l domingu 12 de xunu nel Teatru Filarmónica d’Uviéu, onde fadrá un percorríu peles sos más de cuatro décades de trabayu artísticu.