Un total de 53 valientes enfrentáronse a la cucaña en Llastres

Mateo Granda faise col ramu nesta popular celebración

Un total de 53 valientes enfrentáronse esta tarde a la cucaña en Llastres. Un arte difícil que tuvo un ganador debutante nestes artes, Mateo Granda.

L’ocalitu ulizáu nesta cucaña mide 22 metros, 14 d’ellos suspendíos nel agua. Too bien engrasao y al final, l’oxetivu, el ramu. Hai normes, pero poques.

Salir del agua col ramu na mano ye, dicen, una sensación máxica.

Javier Fernández pertenez a la estirpe de los 'Chicaguines'. Ganadores d’esta cucaña delles xeneraciones. Esti añu, había munchos güeyos nel so hermanu Raúl. Pero nun hubo suerte. Foi Mateo Granda, de Llastres y con solo 17 años, el que llegó al final y garró’l ramu. Anque foi l’últimu n’enterase. Granda llevó’l ramu, el troféu y los 250 euros de premiu, y l’aplausu de los sos vecinos na cucaña con más participantes de la historia: nada menos que 53.

Gran participación y satisfacción nes primeres fiestes de Llastres qu’entama la Cofradía de Pescadores, al disolvese l’antigua comisión de fiestes.