Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 15 de febreru. 2019 18:15

La fabada y el cachopu nun entienden de nacionalidaes

Estudiantes europeos de intercambio cocinando en Tapia
La fabada y el cachopu nun entienden de nacionalidaes

Estudiantes europeos cítense cola cocina asturiana en Tapia

Un grupu d'estudiantes de dellos países europeos acaben güei en Tapia una visita na que pudieron conocer de cerca les nueses costumes y tradiciones. El so últimu retu foi ponese frente a los fogones pa preparar la so comida de güei, y va ser mui asturiana: fabada y cachopu.

Son 16 alumnos d'Alemaña, Finlandia, Letonia y Grecia. Tres dellos díes visitando Asturies, enfrentáronse a la ellaboración d'estos dos platos 100% asturianos y nun-yos foi nada mal. Les fabes nun se quemaron y los cachopos, a güeyu, nun teníen mala pinta.

El de güei foi un retu gastronómicu, pero enantes tuvieron tiempu pa visitar dellos encantos de la rexón, como Os Teixóis, en Taramundi.

Facía más de 10 años que l'Institutu Marqués de Casariego nun entamaba una actividá d'estes característiques con estudiantes estranxeros, y foi un ésitu. Dellos estudiantes tapiegos yá visitaron otros países y eso repitiráse nos próximos meses.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL