'Güeli', un llibru dedicáu a les güeles asturianes

Hestories de vida, resiliencia y superación narraes polos sos nietos

Enar Areces, la creadora de la marca de ropa 'Puru Remangu', fala nel llibru 'Güeli' de muyeres como Carmina, Ángeles, Esther, Olvido o Melita.

Güeles asturianes con hestories que s'entamaron a axuntar en marzu y que güei igüen esti testu qu'acaba de salir d'imprenta.

Hestories con 'remangu', un términu al que, como esplica la impulsora de la iniciativa, non siempres se dio'l significáu que merez.

El testu recueye 35 nomes de muyeres valientes y decidíes. Vides marcaes en munchos casos pola Guerra Civil.

Identidá, feminismu y normalización llingüística son dalgunes de les pilastres qu'encontaron la iniciativa y que trescalen les páxines del llibru.