La imaxe d'una llavandera, ganadora de la Esposición d'Arte Postal

La pintura, de Carmen Peláez, convertiráse nun sellu de Correos dedicáu al Mail Art

El dibuxu d’una llavandera, obra de l’artista afincada n’Avilés Carmen Peláez, foi la seleccionada pola VI Esposición Internacional d’Arte Postal pa convertise en sellu, ente los 500 trabayos presentaos, llegaos de 42 países.

La obra de Carmen Peláez, profesora de la Escuela d’Artes y Oficios d’Avilés, sedrá convertida nun sellu de Correos dedicáu al Mail Art, que percorrerá mediu mundu con esi mensaxe a favor del caltenimientu del mediuambiente.

La llavandera ye un ave d’aspectu fráxil, con tonos blancos, negros y grises, y con una llarga cola que se balancea siempres. Ye mui común nes zonas rurales, y tamién urbanes, d’Asturies.