La mitoloxía asturiana, inspiración pa crear los dragones de 'Dragonkeeper'

L'asturianu Abraham López ye'l director d'animación de la cinta

Llega a los cines 'Dragonkeeper. Guardiana de Dragones', una coproducción china y española. Trata la historia de Ping, una neña qu’ayuda al últimu dragón a escapar del so encarcelamientu y recuperar l’últimu güevu de dragón.

Abraham López, asturianu con 30 años de carrera y director d’animación de la cinta, nun escaez los sos raigaños pa buscar inspiración. Ente los sos llabores, dirixir a los personaxes como si fueren actores.

López ye amás ganador d’un Goya y director del área d’animación y efectos visuales n’U-Tad. Más de 20 de los sos alumnos y alumnes participaron na película.

Una historia d’aventures sobre la superación y que’l destín nun ta escritu. Guardiana de dragones estrenaráse en cines el 19 d’abrilviniente.