Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 15 de xineru. 2019 19:27

La periodista Carolina Sarmiento presenta 'Ikiru, vida' en Xixón

Fotografía del poemario Ikiru, vida
La periodista Carolina Sarmiento presenta 'Ikiru, vida' en Xixón

La obra afonda nel sen de la vida, el valor del instante y la llende del mieu

La periodista y escritora asturiana Carolina Sarmiento presenta'l poemariu 'Ikiru, vida'. El primer llibru de poesía de la escritora ta llaráu de versos directos, "ensin envoltorios", con swing. Según l'autora, ye una oportunidá lliteraria pa recordar la importancia del sen de la vida, el valor del instante, la llende del mieu.

Sarmiento afirma que ye un llibru llaráu de poemes que conecten cola natura de lo que somos. D'ehí'l nome de la obra 'Ikiru' que significa vivir. Pa vivir, p'apreciar lo qu'hai fuera, hai que mirar pa dientro. El títulu d'esti poemariu parte d'una película d'Akira Kurosawa que ye un tratáu humanista.

El señor Watanabe tien cáncer cuando pasó los postreros 30 años de la so vida nun monótonu trabayu como funcionariu. De sópitu, de golpe, ye consciente del tiempu perdíu, del valor de lo efímero. A esi llugar de la mente, onde s'aprecia'l sen de la vida, conducen los versos directos de Carolina Sarmiento.

El ser humanu anguaño gasta munchos díes ensin poder ser quien ye. Por eso, nestes páxines, les fueyes de les fayes aplauden pa recordanos con esi soníu que lo qu'importa nun ye'l mieu sinón l'equí y l'agora.

Dende'l reversu d'un monte amarráu al mar, nos versos de Carolina Sarmiento y nes ilustraciones de Carlos Rivaherrera, puen vese los bailles de les algues.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL