La reina Sofía llega a Uviéu p'asistir a la ceremonia de los Premios Princesa

La reina Sofía y Batet fueron recibíes pol presidente del Principáu

La reina Sofía, acompañada de la presidenta del Congresu, Meritxell Batet, llegó esti vienres a Uviéu p'asistir a la ceremonia de los Premios Princesa d'Asturies, na que Leonor de Borbón va pronunciar el so primer discursu.

Al son de les gaites, la reina Sofía y Batet fueron recibíes pol presidente del Principáu d'Asturies, Adrián Barbón, a la entrada del hotel Reconquista, onde s'agospia la Familia Real.

Como nos últimos años, doña Sofía va ver la entrega de los premios dende un palcu del Teatru Campoamor.

Tamién s'espera qu'asistan a la ceremonia la otra güela de la princesa Leonor, Paloma Rocasolano, so güelu, Jesús Ortiz, y la so bisagüela y madre d'ésti, Menchu Álvarez del Valle, de 91 años.