El Festival de teatru llíricu d'Uviéu cumple 30 años, con cuatro zarzueles bien escoyíes

Dende güei puen mercase localidaes sueltes pa esta temporada qu'empieza'l 23 de febreru

El Festival de teatru llíricu d'Uviéu cumple 30 años, un aniversariu que celebren con cuatro zarzueles bien escoyíes. Dos nueves producciones del Teatru de la Zarzuela y otros dos espectáculos con sellu propiu del Campoamor. Dende güei puen mercase localidaes sueltes pa esta temporada qu'empieza'l 23 de febreru.

Trés décades dempués, el Festival de teatru llíricu d'Uviéu, el segundu más veteranu d'España, gocia de bona salú, con más abonaos y relevu nel públicu.

El presupuestu caltiénse estable dende va años, percima del millón d'euros. Esti 2023 la xuba xeneralizada de costos obligó a amenorgar parte de la programación paralela.

Una de les obres cume de la zarzuela grande, 'Pan y toros', va llevantar el telón el 23 de febreru.

Siguirá-y 'La Dolores', otru títulu emblemáticu de la llírica española. Uviéu va ser la segunda parada d'estes dos obres acabante estrenar nel Teatru de la Zarzuela de Madrid. A elles xúnense dos creaciones propies del Campoamor.

Dende güei puen mercase localidaes sueltes pal festival.