Lisardo Lombardía recibe la Medaya de la Orde de les Artes y les Lletres de la República Francesa

Ye l'únicu asturianu cola distinción que tien Pedro Almodóvar o Jorge Semprún

Esta tarde Lisardo Lombardía va recibir la Medaya de la Orde de les Artes y les Lletres de la República Francesa, una de les grandes condecoraciones que da'l país vecín a personalidaes destacaes de la cultura.

Lisardo Lombardía ye l'únicu asturianu en recibir esta distinción que tienen ente otros Pedro Almodóvar o Jorge Semprún. Lombardía foi dende 2007 hasta esti añu'l director del Festival Intercélticu de Lorient.

Nel salón d'honor del Conceyu de Lorient va recibir esta tarde esa medaya de manes del ministru d'Asuntos Esteriores francés.