Los Alcuentros Fotográficos de Xixón premien la trayectoria de Miguel Trillo

Trillo y Jorge Fuembuena comparten protagonismu nel muséu Barjola

Los Alcuentros Fotográficos de Xixón, qu’entamen mañana, premien la trayectoria de Miguel Trillo. Protagonista tamién d’una esposición nel muséu Barjola xunto con Jorge Fuembuena. Nel programa tamién s’inxerten talleres y otres actividaes abiertes al públicu.

Miguel Trillo lleva décades apuntando a un mesmu oxetivu, mocedá divirtiéndose. Y asina nacieron cuatro series de la cultura xuvenil de munchos países.

Unes 120 semeyes qu’amuesen l’ambiente de conciertos nos años 80 o modes más recientes como’l cosplay. La historia de la música ta siempres camudando. Y de forma paralela evolucionó la fotografía.

Un trabayu que quieren destacar nel festival. La so trayectoria que va ser reconocida oficialmente n’Asturies.

Nel muséu Barjola tamién cuelguen yá les semeyes de Jorge Fuembuena con una estética más ecléctica, qu’amás dará un taller sobre retratu. Y otra amuesa ta dedicada a los becaos de Nuevos Talentos.

Los Alcuentros Fotográficos de Xixón algamen yá la so edición númberu 19.