Los enzarros pola crisis climática lleguen a la Universidá d'Uviéu

Los estudiantes piden "la creación urxente d'una asignatura obligatoria en tolos graos sobre crisis climática"

L’enzarru d’estudiantes qu’entamó a celebrase nos últimos díes en delles universidaes españoles pa reivindicar el fin del usu del combustible fósil pola crisis climática llega esti miércoles a la institución académica asturiana.

Los entamadores de l’acción reivindicativa que s’inxerta nel movimientu xuvenil internacional End Fossil, un grupu d’estudiantes piensa enzarrase dende esta tarde nel Campus d’El Mián pa pasar ellí la nueche.

L’oxetivu d’estes acciones que yá se celebraron n’otres instituciones académiques españoles como la Universidá de Barcelona (UB) o la Complutense de Madrid ye pidir que les universidaes seyan vanguardia na esixencia d’actuaciones frente a la crisis climática.