Los nuevos proyectos d'Elisa Cepedal, Samu Fuentes y Samuel Fernandi, patrocinaos por Llaboral Cinemateca

Les propuestes cinematográfiques fueron escoyíes pol so distintivu valor creativu

Los nuevos proyectos cinematográficos d'Elisa Cepedal, Samu Fuentes y Samuel Fernandi van ser patrocinaos por Llaboral Cinemateca. Les sos propuestes fueron escoyíes pol so distintivu valor creativu. Van entamar a rodar nos próximos meses y van ser una realidá nes pantalles dientro d'un añu.

Pa preparar el personaxe de Mario Casas en 'Bajo la piel del lobo', Samu Fuentes basóse nes condiciones de pastoréu nos Picos d'Europa. D'esos contactos, surdió la idea de grabar un documental basáu nos hermanos Mier que, a los sos 70 años, siguen cola tradición.

Elisa Cepedal recupera l'archivu fotográficu de so güelu para narrar el zarru del pozu Carrio, en Los Barreros. Una propuesta tamién documental que Llaboral califica d'arriesgada.

Nel apartáu de curtiumetraxes, foi escoyíu'l proyectu 'Manual de la Siega', de Samuel Fernandi, pola orixinalidá del so planteamientu, a mediu camín ente l'animación esperimental y la imaxe real.

Nesti branu, los tres directores van rodar n'Asturies y los proyectos van ser una realidá'l próximu añu.

Les sos propuestes, escoyíes ente les 41 presentaes a esta convocatoria, tienen de mancomún que nacen de dalgún aspeutu de la tradición asturiana.