Los periodistes David Serna, Alberto Toyos y Javier Blanco van recibir el Premiu Amas d'Honor

Los comunicadores afirmen que "los nuesos músicos van dar que falar"

Ente los tres comunicadores sumen más d'un sieglu d'oficiu, nos que sopelexaron la música asturiana. Nesi tiempu pudieron esfrutar de la movida, de la eclosión del negociu musical, de los grandes conciertos de los 90 y de los cambeos que'l sieglu XXI traxo a esi negociu.

Tres de sí delles décades como críticos musicales: Alberto Toyos amestáu a Radio Asturies, David Serna a Radio Nacional y Televisión Española y Javier Blanco a La Nueva España. Munchos años como competencia y al empar como amigos y collaboradores que trataron de dinamizar un sector.

Alberto Toyos foi l'encargáu de dar vida al concursu de maquetes de los 40 principales a primeros de los 80. Los Locos fueron los ganadores d'aquella primer esperiencia que trataba de sacar grupos. El negociu musical funcionaba n'Asturies. Discográfiques, estudios de grabación y tiendes vivíen un puxu que coincidió cola llegada a la rexón de les mayores estrelles del panorama musical.

Cola llegada del sieglu XXI vivieron cambeos nel consumu músical. Los comunicadores afirmen que ye díficil repitir lo vivío nos 80-90, pero que'l nivel musical na rexón ye bonu y que los nuesos músicos van dar que falar.