Los reis entregarán los Premios Princesa nel Hotel de la Reconquista ensin públicu

La Fundación Princesa d’Asturies cumple 40 años

Los reis, acompañaos de la princesa Leonor y la infanta Sofía, presidirán la entrega de los Premios Princesa d’Asturies 2020 nel Hotel de la Reconquista d’Uviéu, en vez del Teatru Campoamor, nuna ceremonia que se celebrará’l 16 d’ochobre con aforu amenorgáu y ensin públicu.

Según informó esti xueves la Fundación Princesa d’Asturies, la ceremonia que se celebrará nel Salón Cuadonga namás cuntará cola presencia de premiaos y autoridaes, mientres que los patronatos de la institución y los familiares de los premiaos podrán siguir l’actu al traviés de pantalles instalaes n’otra sala del hotel.

El Patronatu de la Fundación yá avanzare’l cambéu de llugar de la ceremonia, que se celebra tradicionalmente nel Teatru Campoamor, énte unos 1.300 invitaos, pola situación escepcional xenerada pola pandemia del Covid-19.