Luis Roda gana'l XXVI Premiu Internacional d'Ensayu Xovellanos

'Cunas, tumbas y huellas' ye un viaxe a les alcordances

El maxistráu Luis Roda García llogró'l XXVI Premiu Internacional d'ensayu Xovellanos, que convoca añalmente Ediciones Nobel, por 'Cunas, tumbas y huellas', un viaxe a les alcordances y la cultura inmanente de dos persones que percuerren la hestoria, los mitos, la lliteratura y ciertos paisaxes.

El xuráu, presidíu por José Luis García Delgado, escoyó por unanimidá la obra del maxistráu mierense ente los 149 orixinales de 28 países que se presentaron a la edición d'anguaño.

García Delgado remarcó la “enorme brillantez lliteraria” de la obra na que, nun rumbu d'erudición y citando viaxes, Roda recuerda llugares y personaxes llexendarios como'l Cid, Sissi, Juan Ramón Jiménez o Paul Valery de la qu'especula colos sentimientos.