Marco Navas amuesa les sos miniatures sol títulu '25 años rumbo a Ítaca'

Una esposición con personaxes icónicos que pue ser visitada na Fundación Alvargonzález hasta final de mes

'25 años rumbo a Ítaca', n'honor al poema de Kavafis, ye'l nome escoyíu pol maestru miniaturista xixonés, Marco Navas, pa titular la so nueva esposición n'honor a los sos 25 años de carrera artística.

L'autor define esta esposición como un muestrariu temporal de la so obra, dende los sos entamos a l'actualidá. Y ye que Marco Navas ye primero de too un humanista qu'atopó, nel mundu de la miniatura, una forma de recrear a los sos personaxes favoritos, pero siempres buscando persiguir una bona representación de los mesmos.

Una esposición na que vamos poder atopar personaxes tan icónicos como Gandalf y Bilbo de 'El Señor de los Aniellos" o Groucho Marx y que va poder ser visitada na Fundación Alvargonzález hasta final de mes.