Maruja Noriega, una profesora xubilada que da nome a la cai na que vive

Tou un exemplu de vitalidá que-y dexa a les sos 88 años siguir conduciendo'l so propiu vehículu

N'Arancés, nel conceyu de Cuideiru, vive Maruja Noriega, un profesora xubilada que pue presumir d'una reconocencia poco avezada.

Maruja da nome a la cai na que vive. Sola, o acompañada de la so familia o amigos, percuerre ensin fuelgu pero con tranquilidá un camín llargu, de cuasi un kilómetru, en plena natura que diz, nun cambia por nada.

El día ente día de Maruja nun s'acaba nel so requexu particular, una placa que dende 2015 reconoz el so llabor como profesora más de 30 años. Posesora d'una enerxía desbordante, inda ye quien a garrar el coche y esfrutar d'una más qu'activa vida social.

Tou un exemplu de vitalidá que-y dexa a los sos 88 años siguir esfrutando de la vida y del so propiu camín.