Más de 120 mineros voluntarios desinfesten zones comunes y reparten alimentos nes cuenques

Los gobiernos locales agradécen-yos el so llabor nun actu celebráu n'El Pozu Sotón

Güei vuelven a vese brigaes de mineros peles cais de les cuenques. Más de 120 voluntarios punxéronse a disposición de los ayuntamientos pa contribuyir a salir, darréu, d'esta crisis sanitaria. Desinfestaron zones comunes y repartieron alimentos en delles zones de la cuenca del Nalón y del Caudal. Y esi llabor quixeron agradecé-yoslu dende los gobiernos locales nun actu n'El Pozu Sotón.

Quieren aprovechar que pararon la so actividá, por considerase non esencial, pa echar una mano. Actúen n'ocho conceyos diferentes de les cuenques del Caudal y del Nalón onde, amás de desinfestar, reparten comida del bancu d'alimentos. Eses son les dos xeres más demandaes polos ayuntamientos.

Más de 120 mineros y mineres presentáronse voluntarios pa facer estos trabayos. El so oxetivu ye devolver a les cuenques mineres parte de lo que recibieron d'elles.