Más de 15.000 Playmobil amuésense nel hotel de La Reconquista d'Uviéu

L'amuesa tará abierta de llunes a domingu hasta'l 15 d'agostu

El hotel de La Reconquista acueye la gran esposición de Playmobil, con más de 15.000 pieces. Tán espardíes en nueve temátiques diferentes, dende’l Far West hasta los estudios d’Hollywood.

L’amuesa tará abierta hasta’l 15 d’agostu, tolos díes de la selmana, n’horariu de mañana y tarde. El so preciu ye de cuatro euros. Los beneficios sedrán pa Dosis de Sorrises, una asociación que llucha escontra’l cáncer infantil.

Sortearáse un llote de Playmobil ente los asistentes que participen nel Xuegu del Tesoru.