Más de 2.500 poemes puen algamar el domingu'l Premiu Xovellanos a la Meyor Poesía del Mundu

El proyectu, pensáu por Graciano García, cuenta col sofitu de tola sociedá asturiana

El Premiu Xovellanos a la Meyor Poesía del Mundu fallaráse mañana d'ente más de 2.500 poemes llegaos de tol mundu. Va ser el colofón, nel Día Mundial de la Poesía, a un proyectu pensáu por Graciano García, que cunta col sofitu de la sociedá asturiana.

'Asturies, Capital Mundial de la Poesía' quier apurrir vida al traviés de la palabra y la emoción. Pensáu por Graciano García, creador de la Fundación Princesa d'Asturies, esti proyectu tien un calter suañador y esperanzador, que xune a la sociedá asturiana.

Biblioteques, colexos, medios de tresporte y establecimientos de toa Asturies xuntáronse pa sofitar la iniciativa.

El menú nel HUCA va incluyir mañana un poema pa cada paciente y les campanes de Cuadonga van tocar a gloria, como símbolu d'unidá nel Día Mundial de la Poesía.