Mazcarines y midíes de seguridá son los protagonistes del día del bollu de San Mateo

Medra l’horariu de recoyida del bollu y la botella de vinu

La utilización de mazcarines y l’estrictu protocolu de seguridá afitáu pola Sociedá Uvieína de Festeyos (SOF) nel repartu del bollu marcarán el día grande de les fiestes de San Mateo.

Los uvieínos retomen la tradición de comer nos parques y establecimientos hosteleros d’Uviéu’l tradicional bollu preñáu nel día grande les fiestes de San Mateo.

La SOF da anuncia de que la tradicional entrega del bollu y la botella de vinu por mor de les fiestes de San Mateo fadráse con un "estrictu" protocolu de seguridá pa caltener la recoyida presencial en La Plaza España, con una división de percorríos y tramos de recoyida de media hora pa evitar aglomeraciones.

Con esti propósitu tamién medró l’horariu de recoyida, que ye ente les 9:00 y les 17:00, en dos fileres independientes pa caltener la distancia de seguridá esixida por Sanidá.