Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 5 de xunu. 2022 10:03

Miles de muestres xenétiques del Serida nuna esposición en Grau

Cartel en una exposición con miles de muestras genéticas del Serida en Grau
Miles de muestres xenétiques del Serida nuna esposición en Grau

Adaptar los cultivos al cambéu climáticu ye una de les aplicaciones d'esti bancu xenéticu

Adaptar los cultivos al cambéu climáticu ye una de les aplicaciones del bancu xenéticu del Serida. Una colección de decenes de miles de muestres xenétiques d'animales, plantes y microorganismos que tamién evitaron la desapaición d’especies autóctones y que se dan a conocer agora nuna amuesa didáctica que se pue ver en Grau.

L’amuesa da a conocer el llabor d’investigación del Serida. Los recursos xenéticos compilaos y conservaos en dalgunos casos dende va 40 años y que dexaron el caltenimientu d’especies como la oveya xalda o’l gochu asturcelta, pero que nos prepara tamién pal futuru.

El Serida conserva’l mayor bancu xenéticu del país de races bovines como l’asturiana del monte. El centru foi precursor en recuperación de material seminal d’aves y cunta con cepes de miles de bacteries y fungos imprescindibles pal control de plagues.

Unos recursos xenéticos que son tamién útiles pa proyectos d’investigación en collaboración con otres instituciones.

L’amuesa ye itinerante y podrá vese en Villaviciosa a finales de mes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL