Misa de gaita polos 800 años d'Oubona como pasu obligáu pa los pelegrinos

Los integrantes del taller 'Lolo Cornellana' cola tinetense Mari Luz Cristóbal interpretaron la misa

La misa de gaita, oficiada na ilesia de San Pedro, pon fin a delles selmanes d’actividaes, conferencies y esposiciones que conmemoren los 800 años del privilexu dau pol rei Alfonso IX de Lleón, declarando Tinéu y el Monesteriu d’Oubona pasu obligáu nes pelegrinaciones a Santiago.

Los integrantes del taller 'Lolo Cornellana', de la Fundación Valdés-Salas, cola tinetense Mari Luz Cristóbal Caunedo, encargáronse d’interpretar la misa de gaita, una seña d’identidá de la cultura asturiana, amiestu de lo popular y lo culto.

Zárrense asina los actos conmemorativos del real privilexu, anque queda pendiente una marcha reivindicativa hasta Oubona, reclamando una vegada más el remocique del Monesteriu.​