Fina l'actor de doblaxe Arsenio Corsellas, voz de Sean Connery y Kirk Douglas

Fina l'actor de doblaxe Arsenio Corsellas, voz de Sean Connery y Kirk Douglas

Arseni Corselles, l'actor que prestó la so voz al doblaxe d'actores como Sean Connery, Rock Hudson, Nick Nolte, Burt Lancaster o'l popular JR de la serie 'Dallas' na so versión en catalán, finó este fin de selmana a los 86 años.

Arseni Corsellas, consideráu unu de los más grandes actores de doblaxe d'España, entamó la so carrera profesional en Radio Juventud de Barcelona y en RNE faciendo radioteatru.

La so voz sonó nes versiones doblaes de 21 películes de Sean Connery, 19 de Rock Hudson, 17 de Nick Nolte, el mesmu númberu de filmes nos qu'intervieno prestando la sa voz a Burt Lancaster y Christopher Plummer.

El so rexistru vocal grave, que completó hasta un millar de doblaxes, tamién-y valió pa ponese na piel de Burt Reynolds, Charlton Heston y Marcello Mastroianni, asina como na d'Humphrey Bogart nel segundu doblaxe de 'Casablanca'.

Corsellas, que naciere en 1933 en Figueres (Girona), foi tamién unu de los primeros actores en doblar al catalán cuando TV3 entamó les sos emisiones, y foi entós cuando se popularizó'l so doblaxe del actor Larry Hagman nel papel de JR na serie televisiva 'Dallas'.

Arseni Corsellas, que tien un fíu, David, que sigue la tradición y tamién ye actor y director de doblaxe, participó en dalgunes películes como actor, como en 'Amor propio', de Mario Camus; o 'Lo mejor que le puede pasar a un cruasán', de Paco Mir.