Otea considera que les fiestes de prau entamaes por empreses tienen de cumplir la normativa local

La patronal hostelera dexa claro que nun ta a la escontra d'estes celebraciones

Otea sepártase del pidimientu de l'asociación hostelera Asturies de Nueche sobro la regulación de les fiestes de prau.

La patronal hostelera quixo dexar claro que nun ta a la escontra d'estes celebraciones y que los sos beneficios s'usen pal bien común de los vecinos.

Sicasí, la patronal matizó que les fiestes con organización y ganancies que correspuendan a una empresa tienen de tar suxetes a les mesmes obligaciones en materia llaboral, fiscal, normativa sanitaria, y horarios d'apertura y zarru que'l restu de negocios del llugar.