Premios cabraniegos d'arroz con lleche

Un total de 18 cofradíes y 65 puestos d'artesanía participaron nel Concursu d'Arroz con Lleche de Cabranes

Noventa participantes competíen esti añu por coronase como’l meyor Arroz con Lleche. A la fin, el premiu na categoría particular recayó en María José Hevia, de Sendín, que recibó un premiu en metálico de 300 euros y un troféu.

Na categoría profesional l’agraciáu foi Isidro Martínez del Merenderu Covadonga que recibió’l cuadro orixinal del pintor local Santos Monestina. El galardón 'Granu d’Arroz con Lleche' foi pa l’Asociación Galbán y recoyólu Lennart Koch, presidente de l’Asociación Galbán.

Pa esti actu cuntóse cola presencia de los conductores del programa 'La cocina de TPA' que fueron los pregoneros, Cristian González y María del Cueto.

L’arroz con lleche foi’l protagonista de la xornada. Más de 2.500 asistentes participaron nesta edición según Protección Local qu’esfrutaron del arroz con lleche. Una xornada de celebración en Santolaya que cumplió 45 años.