Rewilders, una aventura pa denunciar la destrucción del planeta

Brais Palmás y Agnes Sobón lleguen a Onís dempués de 68 díes de viaxe

Rewilders ye'l proyectu de dos aventureros, Brais Palmás y Agnes Sobón, dispuestos a llegar a los llugares más arrequexaos del planeta pa denunciar la so destrucción en nome del progresu. Failo de forma autopropulsada y queriendo demostrar que pue vivise y esfrutar de forma sostenible.

Onís foi la última escala d'un viaxe qu'entamó fai 68 díes en Galicia y que siguió pela ruta Trescantábrica hasta Picos d'Europa. Percuerren el mundu en defensa de la natura y aseguren que la inacción ye peor que cualesquier de los desafíos que puen aportar.

Apuesta por un cambéu al traviés d'un nuevu conceutu d'aventura nel que xunen esploración, ecoloxismu y una actitú ética y sostenible en tolos sos actos. Una actitú énte la vida que lloñe de ser un sacrificiu aseguren, failos llibres.