Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 29 de payares. 2020 21:15

Rodrigo Cuevas presenta 'Barbián' esti llunes nel Teatru de la Zarzuela

Rodrigo Cuevas, músico asturiano
Rodrigo Cuevas presenta 'Barbián' esti llunes nel Teatru de la Zarzuela

L’espectáculu, qu’amiesta folclor y electrónica, promete venir a Asturies

El cantante y músicu asturianu Rodrigo Cuevas presenta mañana nel Teatru de la Zarzuela de Madrid l’espectáculu 'Barbián'. Una zarzuela con un repertoriu adaptáu a l’actualidá sonora, na que s’amiesten elementos del folclor cola música electrónica. Hores enantes de l’actuación recibió a TPA Noticies nos sos ensayos.

Zarzuela, folclor y ritmos electrónicos ye la fusión que nos invita a esfrutar Rodrigo Cuevas con ‘Barbián’. Dempués d’un únicu primer pase en 2019, agora reestrénase en Madrid.

Dos músicos berlineses de la electrónica son los que punxeron música a les 11 zarzueles y una ópera chica que forma ‘Barbián’.

Pa facese cargu del vestuariu, vuelve a confiar nel asturianu Constantino Menéndez.

La espectación que xenera Rodrigo Cuevas fizo que’l Teatru de la Zarzuela vendió en pocu tiempu toles entraes pal llunes.

Anque entá ensin fecha, la zarzuela electrónica de 'Barbián' promete visitar pronto Asturies.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL