TPA estrena güei a les 22:30 'Axuntábense'

Un nuevu programa musical pa la nueche de los sábados

TPA estrena 'Axuntábense', programa musical pa la nueche de los sábados, presentáu pola cantante Anabel Santiago y el pandereteru, Pau Santirso.

Un espaciu nel que va sonar la tradición y la modernidá del folclor asturianu, con puestes n'escena distintes qu'amuesen la so evolución.

El primer programa va cuntar cola participación del músicu y estudiosu de la tradición oral, Xosé Ambás; l'etnógrafu y investigador, Xulio Concepción; Dj Fruela 757; la cantante Ángeles Nespral, pa pone-y voz a coples d'antaño; la interpretación d'Alicia Villanueva; y d'Anabel Santiago, ente otros artistes.