Tres minutos p'amosar un nivel altu de llingua

Tercer edición del concursu 'Xixón fala en 3'

Un total de 25 persones participaron esta mañana na tercer edición del concursu 'Xixón fala en 3'. Los concursantes tuvieron tres minutos pa echar el restu y amosar el so nivel de llingua y capacidá d’oratoria.

A prueba taba la capacidá de síntesis, porque pasar de los tres minutos afitaos restaba puntos. Lo importante yera convencer al xuráu y, sobre manera, facelo nun bon asturianu.

El concursu dixebróse en tres categoríes: temes venceyaos cola cultura asturiana, temática xeneral y la destinada a mozos d’ente 14 y 18 años.

L’oxetivu final ye esparder la llingua asturiana.

Amás de poder practicar asturianu en públicu, los ganadores llevaron un premiu de 600 euros.