Un llibru-discu recupera la figura del pianista xixonés Jesús González Alonso

Foi'l primer español que formó parte de la prestixosa Escuela Cimera de Música de Viena

Un llibru-discu recupera la figura del pianista xixonés Jesús González Alonso. Catedráticu y virtuosu del pianu, foi'l primer español que formó parte de la prestixosa Escuela Cimera de Música de Viena.

El llibru-discu ye'l terceru d'una colección que recupera'l patrimoniu musical asturianu. Recueye interpretaciones del pianista, testos sobre la so técnica y reproducciones de programes de mano.

Una publicación que coincide col 35 aniversariu del fallecimientu de Jesús González Alonso.

Un conciertu nel Antiguu Institutu, al cargu de José Ramón Méndez, que fuera alumnu so, va recordar a Jesús González.