Javier Alonso Mier asoleya'l llibru 'La vida en el monte'

Cincuenta histories amuesen el ciclu añal de los ganaderos y pastores de Cabrales

La Sierra d’El Cuera y Carreña (Cabrales), el so pueblu natal, son los principales escenarios de 'La vida en el monte', el libru qu’acaba d’asoleyar Javier Alonso. Vive n’Estremadura, pero esti cabraliegu nun escaez los sos raigaños nin les sos esperiencies de pastor nos sos años de mocedá y decidió recoyer too esto nesti volume al que dedicó dos años de trabayu.

El llibru recueye mediu centenar d’histories reales que se desendolquen nun añu y que tienen como protagonistes a los pastores de la mayada de H.ulespina, n’El Cuera.

Perpetuar la so memoria ye ún de los propósitos d’esti llibru con gran pesu autobiográficu.

'La vida en el monte', del que yá lleva vendíos los 200 exemplares de la primer edición, ye’l primer llibru d’esti cabraliegu. La so pasión pola lliteratura nació na biblioteca del colexu d’Arenas (Cabrales) onde se refuxaba pa lleer les noveles de Julio Verne.