Una escultura de Rafael Canogar decora los xardinos de la Facultá de Ciencies

Al actu d'inauguración asistió l'artista

Una escultura de Rafael Canogar decora dende esti martes los xardinos de la Facultá de Ciencies.

Ye una pieza d'aceru corten ferruñoso al ácidu. Al actu d'inauguración celebráu esti mediudía n'Uviéu asistió l'artista.

La obra amiéstase al patrimoniu artísticu de la Universidá gracies a la donación de la Fundación Azcona.

Greco II algama los 2,40 d'altor, el metru y mediu d'anchu y 1,30 de fondu. Ye una cabeza humana a semeyanza d'otres cultures como la tolteca de México.

Hasta'l 7 de payares una esposición nel Edificiu Históricu de la Universidá amuesa tol procesu d'ellaboración de la escultura.