Una esposición sobre mitoloxía del norte d’España

Toño Velasco encargóse de dar forma a les ilustraciones

Una editorial de Noreña, 'Pintar, pintar', tresformó unu de los sos llibros n’esposición. Fala de la mitoloxía del norte d’España, con ilustraciones modernizaes acompañaes de poesía esplicativa.

Los paneles representen 'Una mitología. Seres y mitos del norte', llibru onde’l cuélebre, la xana, la bruxa, el trasgu o l’home’l sacu tienen el so sitiu.

Toño Velasco encargóse de dar forma a les ilustraciones. Imáxenes modernizaes, lloñe de los estereotipos y que tán acompañaes pol poemariu d’Aurelio González, con unos versos pa tolos públicos, mui fáciles de lleer.

Dende les ríes de Galicia hasta los montes del País Vascu, pasando pelos requexos más escondíos d’Asturies y Cantabria. Son 25 los personaxes qu’alimenten, dende va sieglos, ​les nuestres mayores fantasíes.​