Busquen a un pescador asturianu que cayó al mar n'El Ferrol

Ye un home de 40 años, natural de Sotu'l Barcu

Intensa busca na contorna d'El Ferrol d'un pescador asturianu que cayó al mar esta mañana na zona d'O Baleo, en Valdoviño.

Ye un home de 40 años, natural de Sotu'l Barcu pero que dende va años vive en Valencia. Viaxara a Asturies a pasar unos díes de descansu xunto a la so familia y dende equí movióse a El Ferrol a pescar con un amigu. Foi'l so compañeru quien sollertó de lo socedío.

Medios aéreos, terrestres y marítimos participen nos llabores de busca.