Dos trabayadores resultaron mancaos graves tres ser lletrocutaos y atopaos nel suelu en Química del Nalón en Sama, Llangréu.
Los dos mancaos, dos varones, unu d'unos 45 años d'edá y l'otru de 26, presenten pronósticu grave, anque tán fuera de peligru.
Fueron atendíos nel llugar del accidente y treslladaos dambos, darréu, al Hospital Universitariu Central d'Asturies (HUCA) n'Uviéu.
El Centru de Coordinación d'Emerxencies del 112 Asturies recibió l'avisu a les 05.50. Na llamada, fecha pola mesma empresa, indicaben qu'atoparen a dos persones lletrocutaes nel suelu.
De momentu pasóse l'avisu al SAMU qu'unvió al llugar dos equipos médicos. Paralelamente, la Sala 112 del SEPA comunicó lo asocedío a la Policía Nacional y a l'autoridá llaboral competente.
© 2023 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL