La Policía investiga la muerte d'un conocíu DJ dempués de l'agresión d'otru home en Xixón

L'home morrió esti vienres en Xixón dempués de sufrir un traumatismu

L’home morrió esti vienres en Xixón dempués de ser agredíu por un individuu que diba antroxáu cuando los dos taben na céntrica cai Corrida, según informaron a EFE fontes policiales.

La víctima, de 56 años, foi atendida nel llugar del socesu y morrió dempués de ser treslladáu a un centru hospitalariu. Yera un conocíu DJ asturianu y pegáron-y con un bate de béisbol. La Policía Nacional revisa agora les cámares de la cai Corrida pa dar col agresor.

L’agresión foi dempués de les 7:00 nel centru de la ciudá, según asoleyen La Nueva España y El Comercio nes sos ediciones dixitales. A la espera de conocer el resultáu de l’autopsia qu’afitará les causes que-y provocaron la muerte.

Según dixeron estes mesmes fontes, hasta agora nenguna persona foi prindada venceyada cola muerte del home, nin hai sospechosos.

El resultáu de l’autopsia afitará les causes que supunxeron la muerte del home.