Rescatáu un grupu de cinco mozos desorientaos nuna ruta en Somiedu

Los mozos taben nuna ruta de monte y desorientáronse por mor de la ñeve, la ventisca y el fríu de la zona

Efectivos de la Guardia Civil rescataron esti martes a un grupu de senderistes, con edaes ente los 19 y 22 años, que se desorientaren por mor de les condiciones meteorolóxiques contraries mientres facíen una ruta na zona de les llagunes de La Sierra’l Páramu, en Somiedu.

Según informó l’Institutu Armáu, ayeri, sobre les 21:50, los axentes tuvieron conocimientu de qu’estes persones, que taben pasando unos díes de vacaciones, salieren esa mañana a facer la ruta de monte y desorientáronse por mor de la ñeve, la ventisca y el fríu de la zona.

El grupu, énte la imposibilidá de siguir, decidió guardase nuna cabaña y solicitó l’ayuda del Grupu de Rescate y Intervención en Monte (Greim) de la Guardia Civil, porque taba con leves síntomes d’hipotermia.