Escarrila un tren, ensin mancaos, tres arollar a un grupu de vaques en Llanes

El convói tresportaba a 25 pasaxeros nel trayectu ente Uviéu y Santander

Un tren de pasaxeros de media distancia escarriló esti miércoles en Llanes tres arrollar a un grupu de vaques que taba na vía, ensin que se rexistraren daños personales, informaron fontes de Renfe.

El tren, que cubría'l trayectu ente Uviéu y Santander con 25 pasaxeros, amás del maquinista y l'interventor, escarriló poco enantes del mediudía ente Celoriu y Po.

Los pasaxeros fueron treslladaos a pie pela vía hasta un puntu nel que taben esperando dellos taxis pa completar el trayectu per carretera.

Renfe estableció un plan alternativu de tresporte per carretera mientres la vía siga cortada.