Escarrila un tren tres pillar una vaca ente Lloviu y Torañu

L'accidente nun causó daños personales

L'arrollamientu d'una vaca por parte d'un tren de media distancia ente Lloviu y Torañu, nel oriente d'Asturies, provocó esti domingu l'escarrilamientu del primer coche del ferrocarril, ensin que se rexistraren daños personales, según asoleya Adif nes sos cuentes de redes sociales.

Los viaxeros del tren que fai la ruta Llanes-Uviéu fueron movíos per carretera a los sos respectivos destinos, afitó l'Alministrador d'Infraestructures Ferroviaries (Adif).

Asina, los trenes de media distancia Uviéu, Llanes y Santander faen rotaciones en Les Arriondes y Llanes.